كان تتبعوا في المدونة هذي تعرفو اللي انا مازوشيست و منفلتش نهار من غير ما نقرا جريدتي المفضلة لابراس و عندي خبرة كبيرة فيها. الجريدة العريقة هاذي للي يعرف الشفرة متاعها يعرف بالظبط آش صاير في البلاد, اي نعم سيدي
هاو بش نعطيكم أمثلة بش تفهموني
مثلا لو تلقي صحفي يكتب مقال يتشكي من التوانسة اللي يساهموا في التلوث و يحبوا يسوقوا كراهبهم للخدمة و ما ياخذوش الكار المترو ولا يتمشاو علي سقيهم و اللي راهو الحاكم مدعّم البنزين يلزمكم تفهموا اللي نهار الاحد الجاي راهو البنزين بش يغلي . نفس الشي لو مقال يتكلم عن التبذير و الناس اللي تلوح الخبز البايت و الحاكم االي يدعم في الفرينة راهو الخبز بش يغليو فيه ولا الباقات بش يقللو في الميزان متاعهاعن قريب.
اما اذا بداو يحكيو انو الماكرو و الحوت الازرق ما فماش ما خير منو للصحة و خاصة لو كان كونجولي و جاي من ايطاليا و راهو هاك المادة البيضاء اللي تخرج منو وقت اللي تحلو كرشها باهية و مفيدة للقلب و غرض الدم افهموا اللي فمّا اشاعة انو واحد من العايلة المالكة جاب بابور معبي بالماكرو الفاسد
حاسيلو بش مانزيدش نطول عليكم في الايام الاخرة قريت مقالات هنا وهنا و هنا تخليني نشك اللي عن قريب بش يرزيوكم في الفايسبوك
اما لاحظوا الكاتب متاع المقال الثاني اللي لاعب فيها معلّم في الكمبيوتر و الهزان و الحطان هتاع حكاية الكوكيز و السيكوريتي و داخل فيها بزاق و حكان بش يوصل اللي راهو الفايسبوك مضر بالصحة
زيد عليهم حملة سمير الوافي في الصريح كيما تعرضتلوا المدونة هاذي يخلي الامور مطّمنش
11 comments:
خبير يفجع على الصباح
عندهم مدة يركحو في اللعب وكيما قلت توة فمة سبب (مقنع) من وجهة نظر متاعهم على خرار يوتوب ودايلي موشين
و ما نستغربش الي نهار مالنهارات نسمعوا الي اعضاء مجلس النواب الي ما نعرفش عليهم فاش اينوبوا تو يتقدموا بطلب غلق الفايسبوك لاسباب اخلاقية و امنية واجبد من هاك اللاوي وبالطبيعة استجابة لنداء الواجب بطمان باش ايسكر الفايسبوك
oui il y a certainement un probleme de privacy c'est indeniable mais les articles sont plein de simplisme, aucune argumentation, juste l'emploi de mot danger etc :)
sinon le cookie sera fier d'etre promu au rang de spyware, il ne le savait pas encore, felicitation cookie :D
sinon pour eviter l'indigestion intellectuelle:
http://europa.eu/rapid/pressReleasesAction.do?reference=IP/09/232
voir international privacy day http://thepublicvoice.org/
je t'enverrai d'autres liens par mails :)
IK
za3ma ya3mlouha... C'est qd meme une annee electorale!
c'est vrai que je n'apprécie plus Facebook, mais pas pour les raisons relayés par La Presse. En fait, Facebook, est ce que que tu veux en faire, le problème de "privacy" tu peux le contrôler, sauf que les tunisiens (et les étrangers aussi) aiment bien exhiber leurs vies sur la toile.. Le RDC utilise très bien Facebook ces derniers temps et donc je ne crois pas qu'on risque de le censurer, du moins pas cette année.
يا لطيف ملا خبر يطيح الماء في الركايب. زعمة يعملوها و يرزيونا في الفيس بووك، و آني نظن كان الفيس بووك يتسكر تو 90 بالمائة منا يرجع الموديم لأصحابو و يحلف ما عادش يستعمل إنترنت
كيما قالت سارّة، القزورديّين عاملين البطيط في فايسبوك، يعني منّا للإنتخابات باش يقعد
لا ما نتصورشي؛ على خاطر كيما قال زياد؛ 2009 اللعب محلول شوية؛ انشاء الله 2010
هههه
أنا موافقة على تحليل سمسوم و الحملات كيف ما كتبت في مدونتي عمرها ما تكون لله في سبيل الله
عاد استناو عمار في كل وقت،ههههه
تي راهي الانترنت سلاح دمار شامل كيف ما افتى شيخنا الجليل العالم العلاّمة البنفسجي بوبكر الصغير!! بلغة اخرى شوية آخر باش يعيطولنا محمد البرادعي متاع الوكالة الدولية للطاقة الذرية!! ملاّ ريحة وملاّ بلاد
9wiyyine barcha ses articles ,khamssa wekhsmiss 3lihom,3ala le deuxiéme article surtout :D
LOOOL hloua el faza bdaaaa yahki 3ala CNIL tkoulchi Coran la3bedd el koll t3reffou, houa pour rappel : "Autorité de contrôle française en matière de protection des données personnelles" chnoua bok3etha lahna yomkon bech ydahher il se connait en sécurité et ya9raa les sites d'infos IT GENERALISTES francais.
El hassel,inchallah ya samsmoum tatla3 lahkeya mathammach menhhaa et facebook yok3odd !
Post a Comment